Actualidade

Inicio O Concello Actualidade

Cultura

Bailes de disfraces, música, inchables e doces no Entroido de Camariñas

  • O programa deseñado polo Concello chegará a todas as parroquias desde o sábado 26 de febreiro ao mércores 2 de marzo.

Cultura

O Concello pretende adquirir a Casa do Mar de Camelle para rehabilitala e poñela ao servizo da veciñanza

  • A alcaldesa e outros membros do goberno local visitaron o edificio acompañados do director provincial da Tesourería Xeral da Seguridade Social, propietaria do inmoble.
  • Constataron o seu estado ruinoso, tras máis dunha década de abandono.

Emprego e Desenvolvemento local

Cursos de lingua galega preparatorios das probas para obter os certificados de lingua galega Celga 1, Celga 2, Celga 3 e Celga 4

A Consellería de Cultura, Educación e Universidade vén de convocar no Diario Oficial de Galicia (DOG) do 14 de febreiro de 2022, cursos de lingua galega preparatorios das probas para obter os certificados de lingua galega Celga 1, Celga 2, Celga 3 e Celga 4.

Servizos sociais

O Servizo de Atención Temperá comarcal xa atendeu a 22 menores de Camariñas

  • O servizo, que se realiza de xeito conxunto con outros 9 concellos, conta cun equipo formado por un logopeda, unha psicóloga e un terapeuta ocupacional.
  • O total de casos atendidos en todos os municipios é de 121, dos cales 43 están actualmente de alta.

Cultura

A ANPA e o Concello organizan clases de teatro en Camelle

  • Comezarán no mes de marzo e estarán impartidas por Rosario do Ruso.
  • Para anotarse hai que enviar un correo a anpacamelle@gmail.com incluíndo nome, apelidos, idade e dispoñibilidade de horarios.

O Concello

A XXXI Mostra do Encaixe abre as inscricións para formar parte do grupo de voluntariado deste evento

  • As persoas interesadas poden chamar ou enviar mensaxe de Whatsapp ao teléfono 653 26 55 29 ou por correo en dolores.lema@camarinas.net.

O Concello

O Concello destina 50.000 euros á pavimentación da vía e delimitación dunha senda de Rociñas a Carrofeito, en Camelle

  • Esta actuación está financiada a través do Plan Único 2022 da Deputación da Coruña.
  • Nesta primeira fase pavimentarase o firme con aglomerado asfáltico e sinalizarase a senda con resaltos e pintura branca.

Deportes

O "3H BTT Circuíto da Caramiña", proba da Copa Galicia de Resistencia, chega este domingo a Camariñas

  • A cita, organizada polo Concello en colaboración coa Peña Ciclista Baikers do Vilán, ten saída e meta na zona do campo de fútbol de Camariñas, pasando por zonas emblemáticas.
  • Participan 198 bikers, con comezo ás 10 horas e remate previsto ao redor das 13 horas.

O Concello

O Concello destina 71.000 euros á construción dunha senda peonil na pista de Lingunde

  • Esta actuación está financiada a través do Plan Único 2022 da Deputación da Coruña.
  • Ademais da senda, que se desenvolverá na marxe esquerda da vía, mellorarase o pavimento da calzada, instalarase a canalización de pluviais e pintaranse tres pasos de peóns.

O Concello

O Concello constata que a Asociación de Empresarios pode seguir ocupando o Faro Vilán e asumirá os gastos que ocasione a volta do material retirado

  • Sandra Insua púxose en contacto coa Autoridad Portuaria, que lle comunicou que fora simplemente un problema burocrático.
  • A rexedora tamén porá, se é necesario, operarios municipais á súa disposición para realizar o traslado.
  • “A actividade que realiza a Asociación de Empresarios no Faro é vital para Camariñas, solicitei unha entrevista co presidente da Autoridade Portuaria para pedirlle que rebaixe a taxa trimestral que cobra por usar as instalacións”, destaca.