Hoxe, xoves 4 de xuño, comezaron a traballar os catro peóns contratados polo Concello de Camariñas dentro do programa PEL Concellos da Deputación da Coruña. Para a súa contratación, a administración local recibiu unha subvención do organismo provincial de 40.000 euros. As tarefas que levarán a cabo son, entre outras, actuacións na rede de abastecemento de auga potable, no alcantarillado, limpeza de vías, recollida de residuos, mellora de accesos aos núcleos de poboación, pavimentación de vías e mantemento en xeral. O seu contrato remata o 10/11/2026.
O Museo de Man ven de confirmar o seu novo horario de atención ao público. A partir de agora, o recinto centrará a súa actividade nas fins de semana, abrindo as súas portas de venres a domingo.
Informamos de que a charla sobre a prevención de accidentes con electricidade e gas queda aprazada por motivos alleos a este Concello. A nova data de celebración será o vindeiro 29 de maio ás 10:00 horas, nas instalacións do Museo do Encaixe. Lembramos que o prazo para anotarse continúa aberto. Todas aquelas persoas que desexen asistir poden formalizar a súa inscrición chamando aos teléfonos 981 73 70 04 ou 653 25 92 82, preguntando por Ali Trillo. Desculpen as molestias que este cambio poida ocasionar.
