02 Abril, 2025
O Concello de Camariñas ven de adxudicar por 122.528,60 euros o proxecto para renovar a cuberta do Casa do Mar de Camelle, unha obra financiada a través do Plan Único da Deputación da Coruña que supón o primeiro paso para rehabilitar o edificio e poñelo ao servizo da veciñanza.
Os traballos a levar a cabo para a renovación da cuberta, para os que se habilitou un prazo de execución de 3 meses, inclúen o levantado das pranchas de fibrocemento actuais, a reparación das vigas e a lousa da cuberta, a instalación do sistema de impermeabilización e illamento e, por último, a execución e pintado da nova cuberta. Ademais, este proxecto tamén inclúe a renovación da vía que dá acceso ao edificio.
“O obxectivo é rehabilitar por completo a Casa do Mar e convertela nun espazo de ocio, respondendo así unha antiga demanda dos veciños e veciñas da parroquia”, explica a alcaldesa de Camariñas, Sandra Insua.