25 Setembro, 2023
A exposición “Habitare”, de Cabanes Fontao, afronta os seus últimos días no Museo Man de Camelle. A mostra pode visitarse aínda, ata o próximo sábado, 30 de setembro, no segundo andar do museo.
A exposición fai referencia á importancia de repensar os nosos actos, actuar en consecuencia, coidar o medio ambiente, a nosa casa, as plantas e os animais.
A autora explica que “camiño por diferentes lugares e recollo o material plástico que me atopo. Nas obras abordo os problemas que conleva este material, como o cambio climático, a contaminación da contorna natural e o seu coidado, incluído o acuático, extremadamente vulnerable”.