El Instituto Social de la Marina volverá a atender ao público con normalidade a partir do 1 de xuño

26 Maio, 2023

El Instituto Social de la Marina volverá a atender ao público con normalidade a partir do 1 de xuño

• Sandra Insua púxose en contacto coa Delegación do Goberno para que rectificase o cambio que entrou en vigor o 1 de maio, pasando a atención a ser só os martes e os xoves.
• O ISM volverá a abrir como o facía previamente a esta data, de luns a venres, de 9 a 14 horas e de xeito presencial.

 

A alcaldesa de Camariñas, Sandra Insua, conseguiu que o Instituto Social de la Marina (ISM), situado na avenida Ambrosio Feijoo do municipio, recupere a partir do 1 de xuño o seu horario habitual de atención ao público, despois de modificalo o pasado 1 de maio.

 

Insua púxose en contacto coa subdelegada do Goberno, María Rivas, para que se rectificase o cambio polo que, desde o 1 de maio, o ISM pasou a atender só os martes e os xoves de 9 a 14 horas cando o viña facendo de luns a venres de 9 a 14 horas.

 

Agora o ISM rectificou e, a partir do 1 de xuño, volverá a atender de xeito presencial como o facía previamente, é dicir, de luns a venres e de 9 a 14 horas.