18 Setembro, 2026
Aberto o prazo de inscrición para o novo Obradoiro de Memoria e Estimulación Cognitiva
O Concello de Camariñas pon en marcha o "Obradoiro de Memoria e Estimulación Cognitiva", unha actividade deseñada e dirixida especificamente para persoas adultas maiores de 60 anos.
A iniciativa levarase a cabo un día á semana, estendéndose dende o mes de novembro do 2026 ata abril do 2027. Para facilitar a asistencia e achegar o servizo á veciñanza, o obradoiro impartirase en todas as parroquias do municipio, sendo o único requisito formar un grupo cun mínimo de 10 persoas por localización. Ademais, trátase dunha actividade de carácter totalmente gratuíto.
Datas e lugar de inscrición As persoas interesadas en participar deberán formalizar as súas inscricións dende o 14 ao 30 de setembro na Casa de Pedra.
Para resolver calquera dúbida ou solicitar máis información sobre a formación dos grupos, pódese contactar a través do teléfono 981737004, preguntando por Ali Trillo.
Podes consultar todos os detalles na imaxe adxunta.
